Eystanfyri Rivtangan undir Ambadali kemur ein kelda út úr berginum.

Klúgvast kann við einum sera góðum vilja niður til kelduna.Har er sera illbart at klúgva.Allan vegin niður er vátlendi ella hella.

Søgnin sigur at keldan bleiv brúkt av landsmonnum í ellisdøgum sum straffavsetan.

Søgan er at ein maður sum hevði stolið fekk tveir kostir í at velja tá hann bleiv dømdur.

Annar var at klúgva niður til kelduna og fylla eina húðaspann við vatni og hetta valdi hann at gera.

Maðurin byrjar at klúgva niður og eftir langa tíð kom hann uppaftur við spannini fullari av vatni úr kelduni.Hann rættur glaður dómaranum spannina.

Tá sær dómarin at hann bara hevur ein vøtt á hondunum og spyr:

"Hvar er vøttur sum tú hevði á høgru hond tíni tá tú fór níður"?

"Hann mann hanga í glerinum niðri við kelduna",svaraði tjóvurin.

Hann fyltist nú við angist tá dómarin segði:

"tú skalt koma uppaftur í sama líki tú fór niður í!"Tú mást fara niðuraftur eftir vøttinum áðrenn eg sleppi tær undan dóminum.

Maðurin fór nú aðru fer tann dagin niðuraftur í kelduna,men tá hann var komin niður tók til at skýma og hann fann ikki vegin uppaftur og datt oman og doyði.

-T.A